APTF VIZAG: విద్యార్థి విజ్ఞాన్ మంథన్కు దరఖాస్తుల ఆహ్వానం . 6 నుంచి 11 వ తరగతి విద్యార్థులు అర్హులు ప్రతిభావంతులకు ప్రోత్సాహకాలు.

విద్యార్థి విజ్ఞాన్ మంథన్కు దరఖాస్తుల ఆహ్వానం . 6 నుంచి 11 వ తరగతి విద్యార్థులు అర్హులు ప్రతిభావంతులకు ప్రోత్సాహకాలు.

దరఖాస్తు గడువు : సెప్టెంబర్ 30

నమూనా పరీక్షలు: నవంబర్ 27 ,30

ఫలితాలు వెల్లడి : డిసెంబర్ 20

రాష్ట్రస్థాయి పరీక్ష : 2023 జనవరి 5 , 15 , 22

జాతీయస్థాయి పరీక్ష : 2023 మే 20 , 21

కేంద్ర ప్రభుత్వ సంస్థలైన నేషనల్ కౌన్సిల్ ఆఫ్ ఎడ్యుకేషన్ అండ్ రీసెర్చ్ ట్రైనింగ్ ( ఎన్.సి.ఇ.ఆర్.టి ) , విజ్ఞాన భారతి , విజ్ఞాన్ ప్రసార్ సంయుక్తంగా దేశవ్యాప్తంగా 6 నుంచి 11 వ తరగతి ( ఇంటర్మీడియెట్ మొదటి సంవత్సరం ) విద్యార్థులకు ఆన్లైన్లో ఓపెన్ బుక్ పద్ధతి ద్వారా టెస్ట్ నిర్వహిస్తున్నారు . సీబీఎస్ఈ , ఐసీఎస్ఈ , రాష్ట్ర బోర్డు విద్యార్థులు ఈ పోటీ పరీక్షకు అర్హులు . 


దరఖాస్తు ఇలా .


రూ .200 చెల్లించి '  https://vvm.org.in/main వెబ్సైట్లో ఈ నెల 30 లోపు దరఖాస్తు చేసుకోవచ్చు . దరఖాస్తు చేసుకున్న వారికి జూనియర్ , సీనియర్ విభాగాల్లో నవంబర్ 1 న నమూన పరీక్షలు నిర్వహిస్తారు . ఇంగ్లిషు , హిందీతో పాటు తెలుగు మీడియంలోనూ పరీక్షకు హాజరయ్యే అవ కాశం ఉంది . 


పరీక్ష విధానం 


గణిత , సామాన్య శాస్త్రం పాఠ్య పుస్తకాల నుంచి 50 శాతం అంశాలు , విజ్ఞాన శాస్త్ర రంగంలో దేశ కృషిపై 20 శాతం , శాస్త్రవేత్తల జీవిత చరిత్రకు సంబంధించి 20 శాతం , లాజిక్ , రీజనింగ్కు 10 శాతం బహుళై చ్ఛిక ప్రశ్నలు ఉంటాయి .


ప్రతిభ చాటితే ..

 పాఠశాల స్థాయిలో నిర్వహించిన పోటీల్లో విజేతలైతే ఆన్లైన్ ద్వారా ప్రశంసాపత్రం అందుకోవచ్చు . జిల్లా స్థాయిలో విజేతలైతే ప్రశంసా పత్రంతో పాటు వెబ్సైట్ లాగిన్ ఇస్తారు . ఆ లాగిన్ ద్వారా రాష్ట్ర స్థాయి పోటీలో పాల్గొనాలి . ఇందులో విజేతలైతే ధ్రువపత్రంతోపాటు జ్ఞాపిక అందిస్తారు . ప్రతిభ చాటిన ముగ్గురికి రూ .5 వేలు , రూ .3 వేలు , రూ .2వేలు చొప్పున ప్రోత్సాహకాలు ఇస్తారు . జాతీయ స్థాయిలో సత్తా చాటిన ముగ్గురిలో ప్రథమ రూ .25 వేలు , ద్వితీయ రూ .15 వేలు , తృతీయ బహుమ తుల కింద రూ .10 వేలు చొప్పున ప్రోత్సాహకాలు ఇస్తారు . దీంతోపాటు నెలకు రూ .2 వేల చొప్పున ఏడాది పాటు ఉపకార వేతనం అందిస్తారు . దేశం లోని పరిశోధన సంస్థలను సందర్శించేందుకు కూడా అవకాశం లభిస్తుంది.

No comments:

Post a Comment

Featured post

AP 10th class public exams result released today